Dubay qanunları: Ağlınıza gəlməyəcək QADAĞALAR

Birləşmiş Ərəb Əmirlikləri (BƏƏ) elə bir dövlətdir ki, burada dünyəvi qanunvericiliklə yanaşı, İslamın təsiri ilə formalaşmış normalar da mövcuddur. Xüsusilə yerli əhali müsəlmanların müqəddəs mətnləri – Quran və Sünnəyə əsaslanan qaydalara riayət edir. Bu qaydalar dini liderlərə, ümumilikdə İslama hörmət etməyi, ictimai yerlərdə təvazökarlıq, ölçülülük və qarşılıqlı ehtiramı nəzərdə tutur.

BƏƏ-nin ən böyük şəhəri Dubaydır. Burada dünyanın ən hündür binası – Burc Xəlifə yerləşdiyi üçün şəhəri turist incisi adlandırmaq olar. Bu müasir möcüzəni görmək istəyirsinizsə, Dubayda nələrin qadağan olunduğunu, necə davranmaq və geyinmək lazım olduğunu, eləcə də özünüzlə nələri gətirməyin olmaz olduğunu bilməlisiniz. Bəzi qaydalar qəribə görünə bilər, lakin onların pozulması xəbərdarlıq və ya cərimə ilə nəticələnə bilər. İstisna hallarda, hüquq pozuntusu ağır olarsa, şəxs deportasiya oluna bilər.

Dubaya aparmaq qadağan olan əşyalar

Dubaya gətirilməsi qadağan olunan əşyaların siyahısı açıqlanıb:

Siyahıya narkotik maddələr, silahlar, saxta pullarla yanaşı, aşağıdakılar da daxildir:

Yırtıcı quşlar, fil sümüyü və ondan hazırlanmış məmulatlar, 18+ səhnələri olan, zorakılığı təbliğ edən, İslama təhqir və ya BƏƏ hakimiyyətini tənqid edən materiallar, İslam normalarına zidd olan və müsəlmanları təhqir edən kitablar, fotoşəkillər, rəsmlər, çap məhsulları, heykəllər və jurnallar, pulun surətləri, tərkibində psixotrop maddələr olan dərmanlar (müvafiq icazə və ya resept olmadan)

Bu siyahıdan da göründüyü kimi, Dubayda turistlər üçün qanunlar, xüsusilə ictimai davranışla bağlı kifayət qədər sərtdir.

Nə qadın, nə də kişi turistlərin Dubayda ənənəvi müsəlman geyimi geyinməsi məcburi deyil. Lakin bədənin böyük hissəsini örtən geyimlərə üstünlük vermək tövsiyə olunur.

Qadınlar üçün qadağalar:

-Mini yubkalar, şəffaf paltarlar, dərin dekolteli geyimlər geyinmək məsləhət deyil

-Antimüsəlman və ya təhrikedici yazıları olan geyimlər qadağandır

-Qadın turistlər üçün təvazökarlıq qaydaları nəzərdə tutulur: çimərlikdə belə üst geyimsiz (topless) olmaq olmaz

-Çimərlik geyimi yalnız çimərliklərdə, akvaparklarda və otel hovuzlarında icazəlidir

BƏƏ hökumətinin rəsmi platformasında vurğulanır ki, ictimai yerlərdə hər cür çılpaqlıq qəti qadağandır.

Məscid ziyarəti zamanı qadınlardan müsəlman ənənələrinə hörmət əlaməti olaraq başlarını örtmələri xahiş olunur, məsələn, yaylıq taxmaq tövsiyə edilir.

Dubayda şort geyinmək olarmı?

BƏƏ-də şort geyinməyə rəsmi qadağa yoxdur. Lakin yerli əhali əsasən konservativdir və bədənin böyük hissəsini örtən ənənəvi geyimlərə üstünlük verir. Buna görə də turistlərdən də geyimdə ölçülülük gözlənilir.

Turistik zonalarda şort və futbolka geyinmək mümkündür. Amma mədəni məkanlara, məscidlərə və dövlət binalarına gedərkən uzun şalvar geyinmək daha məqsədəuyğundur.

Hökumət nümayəndələri bildiriblər ki, həm kişi, həm də qadın turistlər üçün ayaqları, qolları və çiyinləri örtən rahat geyimlər daha uyğundur.

Dubayda qəti qadağan olunan davranışlara səs-küylü qalmaqallar yaratmaq, söyüş söymək, BƏƏ-yə, onun liderlərinə və ya İslama hörmətsizlik göstərmək daxildir. Bu cür pozuntular hüquqi problemlərə və deportasiyaya səbəb ola bilər.

Bundan əlavə, ictimai yerlərdə hisslərin minimal şəkildə ifadə edilməsi tövsiyə olunur. Əl-ələ tutmaq mümkündür, lakin qucaqlaşma və öpüşlərdən çəkinmək daha yaxşıdır.

Turistlər Dubayda nə edə bilməz?

Bir çox turist hər şeyi ardıcıl şəkildə fotoşəkil çəkməyə çalışır. Lakin BƏƏ-də bu, hər zaman icazəli deyil və foto çəkilişi ilə bağlı bir sıra qadağalar mövcuddur.

-Bəzi dövlət binalarını çəkmək qadağandır

-Fotoşəkillərdə hərbi obyektlər yer almamalıdır

-İnsanları onların icazəsi olmadan çəkmək olmaz

Bəzi turistlər Dubayda yağışı çəkməyin qadağan olunduğunu düşünür, lakin bu mifdir. Yağışın çəkilişinə qadağa yoxdur. Amma BƏƏ-də təyyarələri müşahidə etmək və onları fotoşəkil çəkmək qadağandır.

Dubayla bağlı daha bir geniş yayılmış yanlış fikir isə guya gecə vaxtı dənizə girməyin qadağan olmasıdır. Əslində isə Dubay Bələdiyyəsi gecə-gündüz istirahət etmək mümkün olan çimərliklərin sayını artırır. Bu istirahət zonaları işıqlandırma ilə təchiz olunur və burada xilasedicilər fəaliyyət göstərir. Yerli hakimiyyət orqanları turistlərə gecə saatlarında yalnız məhz belə təhlükəsiz çimərlik ərazilərində suya girməyi tövsiyə edir.

Dəniz