Dəhşətli təyyarə qəzası: 15 nəfər öldü

Kolumbiyanın şimal-şərqində “Satena” aviaşirkətinə məxsus “Beechcraft 1900D” tipli sərnişin təyyarəsi qəzaya uğrayıb.

Az24.az CNN-ə istinadən xəbər verir ki, hadisə nəticəsində təyyarədə olan 15 nəfər – 13 sərnişin və 2 heyət üzvü həlak olub.

Xilasetmə xidmətləri təyyarənin qalıqlarını Norte de Santander departamentinin La Playa de Belén bələdiyyəsinin dağlıq ərazisində aşkar ediblər.

Qəza zamanı ölənlər arasında Kolumbiya Nümayəndələr Palatasının üzvü Dioqenes Kintero, Konqresə namizəd Karlos Salsedo, eləcə də Okanya bələdiyyə məclisinin sabiq üzvü Xuan David Paçeko və onun həyat yoldaşı da var.