Damarları “cavanlaşdıran” meyvə – Narın bilmədiyiniz FAYDALARI

Müntəzəm olaraq nar yemək və ya təzə nar şirəsi içmək ürək-damar sisteminə müsbət təsir göstərə bilər. Müxtəlif klinik tədqiqatların nəticələri göstərir ki, nar təkcə qanın tərkibini yaxşılaşdırmır, həm də damarları yaşa bağlı dəyişikliklərdən qorumağa kömək edir. Bu meyvə yüksək antioksidant tərkibi ilə seçilir.

Nar qan dövranına necə təsir edir?

Nar qədimdən sağlamlıq və uzunömürlülük rəmzi hesab olunur. Müasir tədqiqatlar isə onun qan dövranını yaxşılaşdırdığını təsdiqləyir. Nar qanın axıcılığını artırır, bununla da damarlar boyunca daha rahat hərəkət etməsinə şərait yaradır.

Bu təsir trombların (qan laxtalarının) yaranma riskini azaldır. Xüsusilə yaşlı insanlar və ürək-damar xəstəliklərinə meyilli şəxslər üçün bu, çox önəmlidir. Narın tərkibindəki aktiv maddələr qanın qatılığını azaldaraq ürəyə düşən yükü yüngülləşdirir.

Antioksidantlar və damarların qorunması

Narın əsas dəyəri onun yüksək miqdarda antioksidant – xüsusilə punikalagin maddəsi ehtiva etməsidir. Bu maddə damar divarlarını sərbəst radikalların yaratdığı zədələrdən qoruyur. Eyni zamanda iltihabəleyhinə təsir göstərərək ateroskleroz riskini azaldır.

Araşdırmalara görə, nar polifenolları “pis xolesterin”in (LDL) oksidləşməsini zəiflədir və bununla da damarların tutulmasının qarşısını almağa kömək edir.

Təzyiq və xolesterinə təsiri

Bir neçə həftə ərzində gündə bir nar və ya bir stəkan təzə sıxılmış nar şirəsi içmək sistolik təzyiqin azalmasına səbəb ola bilər. Bu təsir xüsusilə hipertoniyanın ilkin mərhələsində olan insanlarda müşahidə edilir.
Bundan əlavə, nar xolesterinin damar divarlarında yığılma riskini də azaldır və ümumilikdə ürək sağlamlığını dəstəkləyir.

Aslan