“Cloudflare”dən açıqlama – Texniki nasazlığın səbəbi bilindi

ABŞ-nin “Cloudflare” bulud servisində baş vermiş miqyaslı texniki nasazlığın səbəbi təhlükəli trafiki idarə etmək üçün avtomatik yaradılan konfiqurasiya faylı olub.

AZ24.Az oxu.az-a istinadən xəbər verir ki, bu barədə “Kommersant” nəşrinə məlumatı servisin Mətbuat Xidmətindən veriblər.

Məlumata görə, nasazlıq konfiqurasiya faylının gözlənilən ölçüdən böyük olması səbəbindən yaranıb, bu da “Cloudflare”in bir sıra xidmətlərinin trafikini emal edən proqram təminatının işində xətaya gətirib çıxarıb.

***

Texnologiya infrastrukturunda aparıcı şirkət olan “Cloudflare” bu gün baş verən qlobal xidmət kəsilməsinin ardından rəsmi açıqlama verərək, problemlərin əksəriyyətinin artıq həll olunduğunu bildirib.

AZ24.az xəbər verir ki, şirkət qeyd edib ki, “yeni düzəliş tətbiq edilib və problem artıq aradan qalxıb”.

Eyni zamanda bəzi istifadəçilərin hələ də xidmətlərə girişdə çətinliklərlə üzləşə biləcəyi vurğulanıb və şirkət monitorinqi davam etdirir.