Çin ABŞ-ı Maduro və xanımını azad etməyə çağırdı

Çin Venesuela Prezidenti Nikolas Maduro və həyat yoldaşı Siliya Floresin azad olunması çağırışı ilə çıxış edib.

Az24.az xəbər verir ki, Çin Xarici İşlər Nazirliyi ABŞ-ın suveren bir dövlətə qarşı güc tətbiq etməsindən və həmin ölkənin dövlət başçısına qarşı sərgilədiyi mövqedən narahat olduqlarını bildirib.

Açıqlamada qeyd olunub ki, ABŞ-ın bu addımı beynəlxalq hüququn, beynəlxalq münasibətlərin əsas normalarının və Birləşmiş Millətlər Təşkilatının Nizamnaməsinin məqsəd və prinsiplərinin açıq şəkildə pozulmasıdır.

Açıqlamada ABŞ-ın Latın Amerikası və Karib hövzəsində sülh və təhlükəsizliyi təhdid etdiyi vurğulanıb, problemlərin dialoq və danışıqlar yolu ilə həll edilməsinin vacibliyi qeyd olunub.

Dəniz