Bu rəsm əsəri hərracda 62,7 milyon dollara satıldı – FOTO

Mədəniyyət 22.11.2025 10:08 8

Niderlandlı məşhur rəssam Vinsent Van Qoqun nadir əsərlərindən biri Nyu-Yorkdakı “Sotheby’s” hərracında 62,7 milyon ABŞ dollarına alınıb.

Az24.az xəbər verir ki, satılan əsər Van Qoqun 1887-ci ildə Parisdə yaratdığı “Paris romanlarının yığınları və stəkanda qızılgüllər” adlı tablodur. Rəsm məşhur Pritzker ailəsinə məxsus şəxsi kolleksiyadan hərraca çıxarılıb.

Hərrac zamanı əsər üçün bir neçə təklif olsa da, qalib təklifi incəsənət ekspertləri vasitəsilə anonim alıcı verib. Beləliklə, Van Qoqun Paris dövründə yaratdığı əsərlər arasında yeni qiymət rekordu qeydə alınıb.

“Sotheby’s” nümayəndələri bildirib ki, bu satış Van Qoqun sənət bazarındakı dəyərinin hələ də artmaqda olduğunu göstərir.