Bu proqramları yükləməyin – Mesajlarınız OXUNACAQ

Android istifadəçilərinə yönəlmiş yeni təhlükə aşkarlanıb.

AZ24.az xəbər verir ki, “Sturnus” adlı yeni mobil bank virusunun “WhatsApp”, “Telegram” və “Signal” kimi messencerlərdəki şifrələnmiş mesajlar üzərindən məlumat toplaya bildiyini açıqlayıblar.

Virus cihazda gizli şəkildə işləyir və istifadəçinin ekran görüntülərini oxumaqla bank tətbiqlərinə daxil olmağa, kodları və məxfi məlumatları ələ keçirməyə cəhd edir. Mütəxəssislər bildirirlər ki, “Sturnus” əsasən saxta tətbiqlər və yoluxdurulmuş APK faylları vasitəsilə yayılır.

Mütəxəssislər istifadəçiləri şübhəli linklərə klikləməməyə, naməlum mənbələrdən proqram yükləməməyə və cihazlarda rəsmi təhlükəsizlik yeniləmələrini aktiv saxlamağa çağırır.