Bu ixtisasa qəbul balı artırılacaq

Elm və təhsil naziri Emin Əmirullayev ali təhsil müəssisələrində Azərbaycan dilinin daha yüksək səviyyədə tədrisi üçün qəbul meyarlarında dəyişikliklərin vacib olduğunu bildirib.

Az24.az xəbər verir ki, Milli Məclisdə keçirilən “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər” mövzusundakı konfransda çıxış edən nazir Azərbaycan dili ixtisasına qəbul balının artırılmasının gündəmdə olduğunu deyib.

Nazirin sözlərinə görə, artıq bu istiqamətdə praktiki addımlar atılır:

“Əsas məqsədimiz ali məktəblərdə Azərbaycan dili üzrə qəbul planını optimallaşdırmaq və bu ixtisasa qəbul balını yüksəltməkdir”, – deyə E.Əmirullayev vurğulayıb.