Bu gün 22 qadın azadlığa çıxır – FOTOLAR

Prezidentin təşəbbüsü ilə parlamentin qəbul etdiyi amnistiya aktı Ədliyyə Nazirliyi Penitensiar Xidmətin Qadınlar üçün 4 saylı cəzaçəkmə müəssisəsində icra olunub. 

Az24.az xəbər verir ki, cəzaçəkmə müəssisəsindən ilkin olaraq 22 nəfər azadlığa buraxılır.

Azadlığa buraxılan qadınlardan 2-si azyaşlı övladı ilə birgə cəza çəkən qadınlardır.

Qeyd edək ki, Amnistiya aktının ilkin siyahısına əsasən, 5 minə yaxın şəxsin azadlıqdan məhrumetmə cəzasından azad edilməsi, 3 mindən çox şəxsin cəzasının 6 ay azaldılması nəzərdə tutulur.

Amnistiya ümumilikdə 20 mindən çox şəxsi əhatə edəcək.

Xatırladaq ki, “Konstitusiya və Suverenlik İli” münasibətilə amnistiya aktının elan edilməsi ilə bağlı təşəbbüslə Prezident İlham Əliyev çıxış edib. Bu təşəbbüsün əsasında Milli Məclis amnistiya elan edilməsi ilə bağlı qərar qəbul edib. (bizim.media)