Bir qaşığında min bir dərdin dərmanı var – Hər səhər için

Doşab (bəhməz) ənənəvi şəkildə üzümün, tutun və ya digər meyvələrin uzun müddət qaynadılaraq qatılaşdırılması nəticəsində əldə olunan təbii şirədir. Qida dəyəri yüksək olan bu məhsul həm enerji mənbəyi kimi, həm də müalicəvi təsirləri ilə tanınır. Tərkibində təbii şəkərlər, minerallar və antioksidantlar olduğuna görə orqanizmə həm güc verir, həm də bərpaedici təsir göstərir.

Doşab xüsusilə zəiflik, yorğunluq və halsızlıq yaşayan insanlar üçün faydalıdır, çünki bədəni sürətlə enerji ilə təmin edir. Qanazlığı olan şəxslərdə dəstəkləyici təsir göstərə bilər; çünki tərkibində dəmir və digər mineralların miqdarı kifayət qədərdir. Həzm sisteminə müsbət təsir göstərərək mədə-bağırsağın fəaliyyətini yüngülləşdirir, qəbizliyin qarşısını alır və həzmi yaxşılaşdırır.

Soyuqdəymə, öskürək və boğaz ağrısı zamanı doşabın isti su və ya yağla qəbul edilməsi nəfəs yollarını yumşaldır və bəlğəmin çıxmasına kömək edir. Güclü antioksidant təsirə malik olduğundan orqanizmi sərbəst radikallardan qoruyur və immun sisteminin güclənməsinə təkan verir. Ümumilikdə, doşab həm qida kimi, həm də təbii müalicə vasitəsi kimi gündəlik həyatda faydalı və əlçatan bir məhsuldur.

Doşabın ilk faydası onun dəmirlə zəngin olmasındadır. Tərkibində dəmir olan hemoqlobin tənəffüs hüceyrələrinə oksigen daşınmasını təmin edir. Hüceyrələrin oksidləşməsi və hərəkəti dəmirdən asılıdır. Sağlam və enerjili olmaq üçün dəmirə daha çox ehtiyacımız var. Bunun üçün daha təbii və sağlam qidalar yeməliyik. Hər gün 1-2 çay qaşığı doşab yemək dəmir qəbulu baxımından xeyli faydalıdır.

Kalsiumun əsas qaynağı süd və süd məhsulları olsa da, doşabın tərkibindəki kalsium da çox əhəmiyyətlidir.

Ən vacibi isə odur ki, doşab tamamilə təbii şəkildə hazırlanarsa daha faydalı olur, lakin şəkər əlavə edilən və ya süni üsullarla hazırlanan variantların təsiri eyni olmaya bilər. Diabeti olan şəxslər üçün yüksək şəkər tərkibinə görə diqqətli istifadə edilməlidir.

Səhər acqarına bir qaşıq yeyin, ya da ilıq suya qatıb için. Yağla bəhməzi qarışdıraraq çörəyin üstünə yaxıb uşaqlara verə bilərsiniz, ya da suya qarışdırıb içirə bilərsiniz. Meyvəli şirniyyatların hazırlanmasında da bəhməzdən istifadə etmək olar.

Dəniz