Belə davam etsə, Ukrayna xəritədən silinəcək – Lukaşenko

Belarus Prezidenti Aleksandr Lukaşenko ABŞ-ın “Newsmax” TV kanalına verdiyi müsahibədə Rusiyanın Ukraynaya qarşı müharibəsinin gedişi ilə bağlı kəskin xəbərdarlıq edib.

Az24.az xəbər verir ki, o bildirib ki, əgər münaqişə mövcud vəziyyətdə davam edərsə, bu, Ukrayna dövlətinin özünün yox olması ilə nəticələnə bilər – hətta “xəritədən silinə bilər”.

Lukaşenkonun sözlərinə görə, Ukrayna əgər Rusiyanı məğlub edə biləcəyinə inanaraq döyüşməyə davam edərsə və bu qarşıdurma dondurulmazsa, nəticədə ölkə müstəqil dövlət kimi varlığını itirə bilər.

Belarus lideri ABŞ-ın roluna da toxunaraq, Vaşinqtonun diplomatik səylərinin əhəmiyyətini vurğulayıb və münaqişənin həllində Birləşmiş Ştatların aktiv iştirakının vacibliyini qeyd edib.

Dəniz