Bakıda 200 minlik xına, yarım milyonluq toylar keçirilir – Nazilə Səfərli

Şou 26.11.2025 14:07 30

Şair Nazilə Səfərli Azərbaycanda, xüsusilə paytaxt Bakıda xına mərasimlərinə sərf olunan fantastik məbləğlərdən danışıb.

Az24.az xəbər verir ki, o, “Öz aramızda” proqramında mövzu ilə bağlı maraqlı açıqlamalar verib.

Şairin sözlərinə görə, hazırda Bakıda keçirilən bəzi xına məclislərinin büdcəsi 200 min manata qədər yüksəlir.

“200 minə xına məclisi olur. 5 ulduz oteldə stol menyusu 500 manatdırsa, dekor da baha olur. Beşulduzlu hoteldə Şəki Xan Sarayı dekoru qurulmuşdu. Təkcə dekor 52-53 min idi. Tanınmış müğənniləri çağırırlar. Xonçaya elə yarım milyon ödəyən var. Mən hərdən çəkib paylaşıram, dörd-beş brilliant dəst olur”.

Proqrama qatılan müğənni Kərim Abasov isə şou-biznesdə müşahidə olunan yüksək qonorarlar barədə diqqətçəkən nümunə təqdim edib:

“Bu yaxınlarda bir toy sifarişi gördüm — Mustafa Sandal, Qazaxıstan və Özbəkistan ifaçıları, Azərbaycan Xalq artistləri dəvət olunmuşdu. Mustafa Sandal 1 saatlıq çıxışı üçün 170 min dollar almışdı”.

Sənətçilərin sözlərinə görə, həm toy, həm də xına mərasimlərinə ayrılan büdcələr son illər sürətlə artıb və sosial şəbəkələrdə geniş müzakirələrə səbəb olur.