Azərbaycan bu ölkələrlə vizanı ləğv etdi – SİYAHI

Azərbaycan Milli Məclisi diplomatik və xidməti pasport sahibləri üçün bir sıra ölkələrlə vizanı qarşılıqlı ləğv edib. 

Az24.az xəbər verir ki, bu barədə sənədlər bu gün plenar iclasda müzakirəyə çıxarılıb və səsvermədə qəbul olunub.

Qərara əsasən, Azərbaycan aşağıdakı ölkələrlə diplomatik və xidməti pasport sahiblərinə qarşılıqlı vizasız səfər imkanı tanıyacaq:

-Anqola Respublikası

-Bəhreyn Krallığı

-Cibuti Respublikası

-Dominikan Respublikası

-Qvineya-Bisau Respublikası

-Surinam Respublikası

Eyni zamanda, Milli Məclis Maldiv Respublikası ilə ümumvətəndaş pasport sahibləri üçün vizanı qarşılıqlı ləğv edən sazişi də müzakirəyə çıxarıb.

Bu qərar Azərbaycan və sözügedən ölkələr arasında diplomatik əlaqələrin gücləndirilməsi və səyahətlərin sadələşdirilməsi baxımından önəm daşıyır.