Avropa Rusiya qazından tam imtina edir – BU TARİXDƏN

Avropa Parlamenti (AP) və Avropa İttifaqı (Aİ)2027-ci ilin payızına qədər Avropa İttifaqına Rusiyadan qaz idxalının tamamilə qadağan edilməsi barədə razılığa gəlib.

Az24.az xəbər verir ki, Avropa ölkələrinin Rusiyaya qarşı enerji sahəsində atdığı addımlara daha biri əlavə olunub. AP və Aİ-yə üzv dövlətlər çərşənbə günü səhər saatlarında elan ediblər ki, 2027-ci ilin payızına qədər Rusiyadan Avropa İttifaqına edilən bütün qaz idxalı dayandırılacaq.

Avropa İttifaqının açıqlamasında bildirilib:

“Bu gün İttifaq sədrliyi və Avropa Parlamentinin nümayəndələri Rusiyanın təbii qaz ixracının mərhələli şəkildə dayandırılmasına dair yeni tənzimləmə ilə bağlı müvəqqəti razılığa gəldi. Bu addım, Rusiyanın qaz təchizatını siyasi təzyiq vasitəsinə çevirməsindən sonra Avropa enerji bazarında yaranan ciddi təsirləri azaltmaq və Rusiyadan enerji asılılığını tamamilə aradan qaldırmaq məqsədi daşıyır.”

Qərara görə:

Uzunmüddətli müqavilələr üzrə qadağa:

-Boru kəmərləri ilə tədarük olunan qaz üçün 1 noyabr 2027-dən

-Mayeləşdirilmiş təbii qaz (LNG) üçün 1 yanvar 2027-dən qüvvəyə minəcək.

Qısamüddətli müqavilələr üzrə qadağa:

-Maye təbii qaz (LNG) üçün 25 aprel 2026-dan

-Boru kəməri ilə qaz üçün 17 iyun 2026-dan etibarən tətbiq olunacaq.

Qadağanın tam qüvvəyə minməsi üçün sənədin AP və Avropa Şurasına üzv dövlətlər tərəfindən rəsmi olaraq təsdiqlənməsi tələb olunur.

Dəniz