Aleyna Tilkinin narkotik test nəticələri müsbət çıxdı

Türkiyədə İstanbul Baş Prokurorluğu tərəfindən aparılan genişmiqyaslı narkotik araşdırması çərçivəsində müğənni Aleyna Tilki ilə bağlı ekspertiza rəyinin nəticələri açıqlanıb.

AZ24.az Türkiyə mətbuatına istinadən xəbər verir ki, məhkəmə-tibbi ekspertiza zamanı götürülən nümunələrdə narkotik maddə istifadəsinə dair izlər aşkar edilib.

Məlumata görə, sözügedən istintaq çərçivəsində keçirilən son əməliyyat zamanı 26 nəfər saxlanılıb. Onlardan 19-u barəsində məhkəmə tərəfindən həbs qətimkan tədbiri seçilib.

Hazırda faktla bağlı istintaq tədbirləri davam etdirilir.