ABŞ Maduronu terrorçu elan etdi, başına mükafat qoydu

ABŞ Venesuela Prezidenti Nikolas Maduronu “terror təşkilatı lideri” elan edib və onun tutulması üçün 50 milyon dollar mükafat təyin edib. Ağ Ev bəyan edib ki, “Maduro rejimi qeyri-legitimdir”.

Az24.az xəbər verir ki, bu qərar iki ölkə arasındakı gərginliyi daha da artırıb.

ABŞ administrasiyası Latın Amerikasında narkotik kartellərinə qarşı əməliyyatları genişləndirib və dünyanın ən böyük aviadaşıyıcı gəmisi USS Gerald R. Ford Venesuela sahillərinə göndərilib.

Venesuela rəhbərliyi bu addımları beynəlxalq hüquqa zidd adlandıraraq ölkədə 4,5 milyon polis qüvvəsini səfərbər edib. ABŞ həmçinin Venesuela ilə əlaqələndirilən Cartel de los Soles qruplaşmasını xarici terror təşkilatı kimi tanıyıb.