Ən ucuz gözəllik məhsulu – Dırnaqdan saça qədər yeniləyir

Son illərdə təbiiliyə dönüş trendi gözəllik sektoruna da təsir edib. Kimyəvi tərkibli kosmetik vasitələr əvəzinə təbii qulluq məhsullarına üstünlük verənlərin sayı sürətlə artır.

Elmi araşdırmalar da bu tendensiyanı dəstəkləyir. Mütəxəssislərin fikrincə, kokos yağı (və ya təbii alternativ olaraq zeytun yağı) dəri, saç və dırnaq sağlamlığı üçün təbiətin təqdim etdiyi ən güclü və ən ucuz gözəllik mənbələrindən biridir. Tərkibindəki vitaminlər və antioksidantlar sayəsində həm daxildən, həm də xaricdən qulluq edir.

Təbiətin təqdim etdiyi bu sadə, lakin təsirli gözəllik sirri həm qənaətcil, həm də davamlı bir qulluq rutini yaradır. Bir qab təbii yağ bahalı kremlərdən qat-qat artıq təsir göstərə bilir: dırnaqdan saçlara qədər yeniləyir, təbiiliyi ilə gözəllik bəxş edir.

Dərini nəmləndirir

Kokos yağı dərini dərindən nəmləndirir. Antioksidant tərkibi sayəsində dəridəki sərbəst radikallarla mübarizə aparır, yaşlanma əlamətlərini azaldır.

Müntəzəm istifadədə dəri baryerini gücləndirir, quruluq və qabıqlanmanın qarşısını alır. Mütəxəssislər gecələr dəri təmizləndikdən sonra nazik qatla çəkilməsini tövsiyə edirlər.

Dırnaqları gücləndirir

Qırılmağa meyilli dırnaqlar üçün təbii qulluq təmin edir. Gündə bir neçə damcı kokos yağını dırnaq diblərinə masaj edərək çəkmək dırnaq yatağını qidalandırır, soyulmanı önləyir.

Tərkibindəki E vitamini sayəsində dırnaqların uzanmasını dəstəkləyir.

Saçları canlandırır

Saç köklərinə nüfuz edərək nəmi saxlayır, ucların qırılmasını azaldır.

Həftədə 1–2 dəfə edilən yağ baxımı saçların daha parlaq və dolğun görünməsini təmin edir.

Quru saç dərisi üçün təbii həll yoludur: kəpəyi azaldır, qaşınmanı aradan qaldırır.

Elmi araşdırmalara görə, hindistan qozu yağı saç telindəki zülalları qoruyan nadir təbii yağlardan biridir.

Dodaq və bədən qulluğu

Dodaqları dərhal nəmləndirir, çatları bərpa edir.

Duşdan sonra bədənə çəkildikdə təbii losyon effekti yaradır.

Dermatoloqlar bildirirlər ki, kokos yağı kimi təbii məhsullar kimyəvi vasitələrdən fərqli olaraq dərinin təbii florasına zərər vermir. Təbii yağlar dərinin pH balansını qoruyur və uzunmüddətli istifadədə daha sağlam görünüş təmin edir.

Dəniz