Güllünün qızını ələ verən detal: İstintaqda ziddiyyətli ifadələr

Türkiyədə müğənni Güllünün ölümü ilə bağlı aparılan cinayət işi çərçivəsində yeni detallar üzə çıxıb.

AZ24.az xəbər verir ki, bu barədə Türkiyə mətbuatı məlumat yayıb.

Məlumatda bildirilir ki, sənətçinin qızı Tuğyan Ülkem Gülter və onun yaxın dostu Sultan Nur Ulu “qəsdən adam öldürmə” ittihamı ilə saxlanılıb. Onların ifadələrində ciddi ziddiyyətlər aşkar edildiyi bildirilib.

İstintaq zamanı saxlanıların sayı dördə çatıb. İlk olaraq Gülter və Ulu ilə eyni evdə olan 17 yaşlı İrem adlı şəxs ifadəsi alındıqdan sonra sərbəst buraxılıb. Güllünün qızını Yalovadan İstanbula aparan sürücü, eləcə də onların İstanbulda qaldığı evin sahibi isə saxlanılanlar arasındadır.

Bildirilir ki, həm Gülterin, həm də Ulu-nun müxtəlif vaxtlarda verdiyi ifadələr arasında uyğunsuzluqlar var və bu ziddiyyətlər istintaq tərəfindən araşdırılır.