Yeməkdən sonra bir stəkan için – Sodalı suyun FAYDALARI

Sodalı su, içində təbii və ya əlavə karbon dioksid qazı olan içkidir. Dünyada milyonlarla insan bu içkini adi su kimi gündəlik həyatında istifadə edir. Təkcə dadı və təravətləndirici xüsusiyyətləri ilə deyil, həm də sağlamlığa müəyyən faydaları ilə diqqət çəkir.

Sodalı su həzm sisteminə dəstək olur. Xüsusilə yeməkdən sonra içildikdə qidanın mədədə hərəkətini sürətləndirir və qıcqırmanı, şişkinliyi azalda bilər. Susuzluğun qarşısını alır, qazlı olması isə onu daha təravətləndirici edir. Bu xüsusiyyət xüsusilə idman sonrası və ya isti havalarda faydalıdır.

Sodalı su diş və sümük sağlamlığına da müsbət təsir göstərə bilər. Tərkibində şəkər olmadığı üçün dişləri zədələməsi riski minimaldır. Həmçinin, bəzi sodalı sular kalsium və maqnezium kimi minerallarla zəngin olur ki, bu da sümük sağlamlığını dəstəkləyir.

Həzm və bağırsaq hərəkətlərini təşviq etməsi ilə də diqqət çəkir. Karbonatlı su, bağırsaq hərəkətlərini asanlaşdıraraq qəbizlik problemi olan insanlarda rahatlama təmin edə bilər.

Kalorisiz və şəkərsiz olması, sodalı suyu pəhriz saxlayan və ya şəkər qəbulunu azaltmaq istəyən insanlar üçün ideal edir. Şirin qazlı içkilərin əvəzinə istifadə edildikdə həm təravət verir, həm də əlavə kalori almadan susuzluğu aradan qaldırır.

Bəzi insanlar sodalı su içdikdən sonra daha canlı və enerjili hiss etdiklərini bildirirlər. Bunun səbəbi mədədə yaranan yüngül qaz təzyiqi və qan dövranının stimullaşması ilə bağlı ola bilər.

Sodalı suyun hazırlanması:

1 stəkan suya bir çay qaşığının ucunda soda əlavə edib qarışdırın. Limon suyu da əlavə edə bilərsiniz.

Sodalı su sağlamlıq baxımından bir çox fayda təklif edən təbii və sadə bir içkidir. Həddindən artıq içmək bəzi insanlarda mədə qazını artıraraq narahatlıq yarada bilər, amma gündə bir-iki stəkan əksər insanlar üçün faydalı və təhlükəsizdir.

Dəniz