Ermənistanda hərbi xidmət müddəti azaldıldı

Dünya 04.12.2025 20:21 28

Ermənistan 1 yanvar 2026-cı ildən etibarən məcburi hərbi xidmət müddətini 24 aydan 18 aya endirəcək.

Az24.az xəbər verir ki, bu haqda qanun layihəsi parlamentdə birinci oxunuşda müzakirə olunub və müdafiə naziri Suren Papikyan dəyişikliklərin ölkədə müqaviləli xidmətin genişləndirilməsi ilə bağlı olduğunu bildirib.

Nazirin sözlərinə görə, müqaviləli hərbi qulluqçuların sayının artması fonunda məcburi xidmətin qısaldılması məqsədəuyğun sayılıb. Dəyişiklik 1 yanvar 2026-cı ildən qüvvəyə minəcək və həmin tarixdən sonra çağırılacaq şəxslərə şamil olunacaq.

Papikyan qeyd edib ki, hərbi xidmətin qısaldılması 2027-ci ilin ikinci yarısından etibarən dövlətin xidmətlə bağlı xərc yükünü də azaldacaq. Bununla yanaşı, çağırışçıların məzuniyyət günləri artırılıb və ehtiyatda olan hərbçilərin illik təlimə çağırılması 20 min nəfərə çatdırılacaq.

Dəniz