Türkiyə ilk dəfə NATO ölkəsinə hərbi gəmi satdı

Türkiyə NATO və Avropa İttifaqının üzvü olan Rumıniyaya ilk dəfə olaraq hərbi gəmi satıb.

AZ24.az xəbər verir ki, bu barədə Türkiyə mətbuatı məlumat yayıb.

Məlumata görə, “ASFAT” tərəfindən inşa edilən “TCG Akhisar” adlı korvet Rumıniya donanmasına təhvil verilib. Satışla bağlı müqavilə iki ölkə arasında müdafiə sənayesi sahəsində əməkdaşlığın genişləndirilməsi baxımından əhəmiyyətli addım kimi qiymətləndirilir.

Türkiyə tərəfi bildirib ki, bu satış ölkənin müdafiə sənayesinin istehsal gücünü və beynəlxalq bazarda rəqabət qabiliyyətini bir daha nümayiş etdirir.