Spirtli içkilər və cinsi zəiflik – Görünməyən, lakin təhlükəli əlaqə

Bəzi insanlar spirtli içkilərin cinsi gücü artırdığını düşünsə də, mütəxəssislər bunun əksini bildirir. Aparılan araşdırmalar göstərir ki, spirtli içkilərin müntəzəm və həddindən artıq qəbulu kişilərdə və qadınlarda cinsi zəifliyə səbəb ola bilər.

Spirt orqanizmdə hormon balansını pozur və testosteron səviyyəsinin azalmasına gətirib çıxarır. Bu isə libidonun azalması, ereksiya problemləri və ümumi cinsi performansın zəifləməsi ilə nəticələnir. Eyni zamanda spirt baş-beyin hüceyrələrinin fəaliyyətini zəiflədir, bu da seksual istəyə və reaksiyaya mənfi təsir göstərir.

Qadınlarda isə hormonal dəyişikliklər, həssaslığın azalması və cinsi istək zəifliyi müşahidə oluna bilər. Spirt həm də sinir sistemini zəiflədərək, orqanizmin təbii funksiyalarının düzgün işləməsinə mane olur.

Həkimlər bildirir ki, sağlam və balanslı həyat tərzi, düzgün qidalanma və alkoqoldan uzaq durmaq cinsi sağlamlığın qorunmasında əsas rol oynayır. Unutmaq olmaz ki, müvəqqəti “rahatlama” hissi uzunmüddətli sağlamlıq problemlərinə yol aça bilər.

Aslan