Aşağı vergi, yüksək rahatlıq: İnsanlar yaşamaq üçün bu adaya axışır

Aralıq dənizinin qəlbində yerləşən Malta günəşli havası, aşağı vergi sistemi və rahat yaşayışı ilə həm Avropalı mütəxəssislərin, həm də təqaüdə çıxanların yeni seçiminə çevrilib. İngiliscə danışılan, təhlükəsiz və müasir quruluşa sahib ada dövləti yüksək komfortu vergi üstünlükləri ilə birləşdirir.

Az24.az xəbər verir ki, son illərdə dünyanın müxtəlif ölkələrindən yeni sakinlər cəlb edən Malta ildə orta hesabla 300 gün günəşli hava yaşayır. Hətta noyabr ayında belə temperatur nadir hallarda 20 dərəcədən aşağı düşür. Dörd fəsildə də mülayim iqlim Maltanı yaşamaq üçün ən əlverişli yerlərdən birinə çevirir.

Tarixi abidələrlə zəngin paytaxt Valetta Aralıq dənizi mənzərəsi və müasir şəhər həyatını bir arada təqdim edir. İngiltərədən köçən Luis və Kevin Burley cütlüyü ada həyatını “rahat və tanış” kimi təsvir edərək belə deyir:

“Tıxac soldan gedir, qırmızı poçt qutuları var… Sanki İngiltərənin günəşli versiyasıdır.”

Malta vergi rezidentliyi proqramı ölkəyə köçən əcnəbilərə ciddi üstünlüklər yaradır. Xaricdən əldə edilən gəlirlər üçün sadəcə 15% vergi tutulur, ölkədə isə miras, sərvət və əmlak vergisi ümumiyyətlə yoxdur.

Beynəlxalq vergi üzrə mütəxəssis Ceymi Favell sistemi belə izah edir:

“Vergi strukturu mürəkkəb deyil, şəffaf və investor dostudur. Buna görə minlərlə insan Maltanı seçir.”

Bu üstünlüklərlə Malta son illərdə Avropanın yeni “vergi cənnəti” adlandırılır.

1964-cü ilə qədər Böyük Britaniyanın tərkibində olan Maltada rəsmi dillər maltaca və ingiliscədir. Bu isə xaricilər üçün həm gündəlik ünsiyyətdə, həm də rəsmi işlərdə böyük rahatlıq yaradır. Ölkədə bürokratiya sadədir, səhiyyə əlçatan, cinayət səviyyəsi isə çox aşağıdır.

Günəşin heç tükənmədiyi bu ada dövləti, aşağı vergi dərəcələri və yüksək həyat keyfiyyəti ilə Avropanın ən cəlbedici yaşayış məkanlarından birinə çevrilib.

Dəniz