ABŞ-da “sülh planı” danışıqları BAŞLADI

Ukrayna ilə ABŞ arasında “sülh planı” üzrə danışıqlar rəsmi şəkildə başlayıb.

AZ24.az xəbər verir ki, bu barədə Ukraynanın Milli Təhlükəsizlik və Müdafiə Şurasının katibi Rüstəm Umerov sosial media hesabında paylaşım edib.

Umerov bildirib ki, görüşlərin əsas məqsədi Ukrayna–Rusiya müharibəsinə ədalətli sülh yolu tapmaqdır. Onun sözlərinə görə, proses ABŞ tərəfindən təqdim olunan barış təklifləri əsasında aparılır və Zelenski ilə daimi əlaqə saxlanılır.

Qeyd olunub ki, “sülh planı” ilə bağlı ilkin müzakirələr bundan əvvəl İsveçrənin Cenevrə şəhərində keçirilmişdi. ABŞ-də başlayan yeni mərhələ həmin görüşlərdə əldə olunan nəticələrin davamıdır.

Umerov vurğulayıb ki, Ukraynanın əsas prioriteti real sülh və təmin edilmiş təhlükəsizlikdir, bütün danışıqlarda ölkənin milli maraqları qorunacaq.