Əli Kərimlinin evindən Ramiz Mehdiyevin məktubu tapılıb

Dövlət Təhlükəsizliyi Xidmətinin ( DTX) AXCP sədri Əli Kərimlinin evində apardığı axtarışla bağlı bəzi məqamlar məlum olub.

AZ24.az xəbər verir ki, APA-nın əldə etdiyi məlumata görə, axtarış zamanı evdən “Milyarderlər İttifaqı” ilə əlaqəyə dair materiallar, Ramiz Mehdiyev tərəfindən yazılmış məktubun mediada olmayan ilkin redaktə variantı və sair sənədlər tapılıb.

Qeyd edək ki, bu dəlillər AXCP sədrinin “Boz kardinal”la əlaqələrinin olduğu şübhələrini ciddiləşdirir. İlkin araşdırmalar zamanı müxtəlif ünvanlarda axtarışlar aparıldığı, çoxsaylı şahidlərin dindirildiyi, əhəmiyyətli sübutlar əldə edildiyi barədə məlumatlar var.