Siqaret insan beyninə necə təsir edir? – Tərgitmək üçün bunları edin

Nikotin beynin fəaliyyətinə saniyələr içində təsir göstərərək asılılıq yaradan mexanizmləri aktiv edir.

AZ24.az xəbər verir ki, mütəxəssislərin sözlərinə görə, siqaret çəkildikdə nikotin birbaşa beyinin mükafat sisteminə təsir edir, dopamin səviyyəsini süni şəkildə artırır və “həzz” siqnalını gücləndirir. Bu proses zamanla siqaretə qarşı güclü psixoloji və fiziki asılılıq formalaşdırır.

Siqaret ara verildikdə əsəbilik, diqqət pozuntusu, gərginlik və uyqusuzluq kimi əlamətlər meydana çıxır. Mütəxəssislər bunun beynin nikotinə öyrəşməsinin nəticəsi olduğunu bildirirlər.

Siqareti tərgitmək üçün ilk addım tətikləri tanımaqdır — qəhvə, stres, müəyyən sosial mühit və alışılmış rituallar siqaret istəyini gücləndirir. Bu vəziyyətlər alternativ davranışlarla əvəz olunmalıdır.

Uzmanlar əlavə olaraq stressi azaldan nəfəs texnikalarından, psixoloji dəstəkdən və davranış terapiyasından istifadəni effektiv hesab edirlər.

Mütəxəssislərə görə, siqareti tərgitdikdən sonra beyin tədricən bərpa olur və bir neçə həftə ərzində nikotinə bağlılıq əhəmiyyətli dərəcədə azalır.

Altay