Amaniyanın gizli müharibə planı: Rusiyaya qarşı bütün imkanlar səfərbər olunur

Almaniya hökuməti və hərbi strukturları, Rusiyayla mümkün münaqişəyə qarşı ölkəni hərtərəfli hazırlayan 1.200 səhifəlik “OPLAN DEU” əməliyyat planını hazırlayıb.

Az24.az xəbər verir ki, plan NATO qoşunlarının Almaniya ərazisi vasitəsilə şərqə göndərilməsi və təchizatı da daxil olmaqla, bütün logistika və infrastruktur detallarını əhatə edir. Berlin mümkün rus hücumunun 2029-dan əvvəl baş verə biləcəyi qorxusuyla prosesləri sürətləndirir.

2022-ci ildə Rusiya-Ukrayna münaqişəsi Avropadakı uzun illik sabitliyi pozdu və Almaniya ordusunu hazır olmağa məcbur etdi. OPLAN DEU sənədi, silahların yerləşdirilməsindən tutmuş, yeni pilotsuz uçan aparatların (PUA) istifadəsinə qədər hər şeyi ətraflı şəkildə planlaşdırır.

Plan çərçivəsində 800 minə qədər alman hərbçisi, ABŞ və digər NATO ölkələrinə aid qoşunlarla birlikdə münaqişə bölgəsinə göndəriləcək. Alplerin təbii baryer olması səbəbindən, Rusiyaya qarşı istənilən münaqişədə NATO qüvvələri Almaniyanı keçməli olacaq. avtomobil və dəmir yolları və hətta boş ərazilər də müharibə üçün hazırlıqda olacaq.

Şərqi Almaniyada keçirilən son təlimlərdə 500 hərbçi üçün 14 gün ərzində müvəqqəti düşərgə qurulub, yataqxanalar, duş kabinləri, yanacaq məntəqələri və dron nəzarəti təmin edilib. Təlim planın zəif tərəflərini ortaya çıxarıb və hərtərəfli təkmilləşdirmələr aparılıb.

Plan yalnız hərbi qüvvələrə deyil, həm də bütün ölkə iqtisadiyyatına yönəlib. Mülki obyektlər hərbi ehtiyaclar üçün işləyəcək, yollar və dəmir yolları müharibə logistikasına uyğunlaşdırılacaq.

1.200 səhifəlik plan Soğuk Savaş dövrünü xatırladır, lakin bu dəfə Avropada infrastruktur çürüyüb, ordu kiçilib və cəmiyyət müharibəyə hazır deyil.

Plan həmçinin ehtiyatda olan hərbçilərin geri çağırılmasını və onların müşavir kimi fəaliyyətini nəzərdə tutur.

Almaniyanın məqsədi, mümkün münaqişədə ordunun və ölkənin tam koordinasiyalı şəkildə hazır olmasını təmin etməkdir.