Türkiyədə 4 nəfərlik ailənin ölüm səbəbi açıqlandı

Türkiyədə eyni ailədən olan 4 nəfərin ölüm səbəbi müəyyənləşib.

AZ24.az xəbər verir ki, bu barədə Türkiyə mətbuatı məlumat yayıb.

Məhkəmə-Tibbi Ekspertiza tərəfindən hazırlanan rəydə onların fosfin qazından zəhərlənərək həyatını itirdiyini təsdiqləyib.  Qan və qida nümunələrində toksik maddə aşkarlanmasa da, qaldıqları otaqdan götürülən nümunələrdə zəhərli qazın izləri tapılıb.

Hadisə ilə bağlı otel bağlanıb, dərmanlama şirkəti və otel heyətindən ibarət 11 nəfər üzrə istintaq davam edir.