Türkiyədə 120 şagird qidadan zəhərlənib

Türkiyənin Bingöl vilayətinin Adaklı rayonunda iki məktəbdə şagirdlərə verilən yeməkdən sonra qida zəhərlənməsi hadisəsi baş verib.

AZ24.az xəbər verir ki, bu haqda Türkiyə mətbuatı məlumat yayıb.

Məlumatda bildirilir ki, ürəkbulanma və halsızlıq əlamətləri göstərən 120 şagird təcili tibbi yardımla xəstəxanalara çatdırılıb.

Hadisə ilə bağlı qida nümunələri götürülüb, hüquqi və inzibati araşdırma başlanıb.