Tanınmış aktrisanın kənd həyatı – Traktor sürdü, meyvə yığdı

Uzun müddətdir ekranlardan uzaq olan və İstanbuldan köçərək İzmirə yerləşən aktrisa Nurgül Yeşilçay traktor sürdüyü və elektrikli mişardan istifadə etdiyi anları sosial şəbəkədə izləyiciləri ilə bölüşüb.

Az24.az xəbər verir ki, son dəfə “Veda Mektubu” serialında rol alan Nurgül Yeşilçay sevgilisi Necati Kocabayla birlikdə İstanbulun xaosundan uzaqlaşaraq, təbiətin qoynunda özünə ev tikdirmişdi.

Görüntülərdə Yeşilçay traktora mindiyi, elektrikli mişarla işlədiyi və zeytun yığımında iştirak etdiyi anları izləyiciləri ilə bölüşüb.

Təbii görünüşü və enerjili davranışları ilə maraq doğuran məşhur aktrisa, şəhər həyatından kəndə keçidin ona nə qədər yaxşı təsir etdiyini göstərib.