Aliment ödəməmək üçün hər il adını dəyişdi

Rusiyanın Tümen şəhərində yaşayan bir kişi illərlə alimentən yayınmaq məqsədilə hər il adını, soyadını və atasının adını tamamilə dəyişdirib.

Az24-az-ın Rusiya mətbuatına istinadla verdiyi məlumata görə, bu barədə alimentin yığılması üzrə məsul Məhkəmə İcraçıları Xidmətinin rəhbəri Roman Korenev məlumat verib.

Korenevin sözlərinə görə, şəxsin taktikası belə olub: adını dəyişdikdən sonra yenidən köhnə adına qayıdır və prosesi təkrarlayırmış — məqsədi borcun “sıfırlanması” imiş. Lakin plan işə yaramayıb.

Korenev bildirib ki, ad dəyişikliyi barədə bütün məlumatlar qeydiyyat orqanları tərəfindən məhkəmə icraçılarına ötürülür və bu səbəbdən borclunun belə üsulla aliment ödəməkdən yayınması mümkün deyil.

Həmin şəxsin bu üsulla nə qədər müddət gizləndiyi açıqlanmır, amma bütün cəhdlərinin nəticəsiz qaldığı bildirilib.

Dəniz