Bakıda toyda TƏHLÜKƏLİ ANLAR – Qonaqlar təxliyə olundu

Aparıcı Mikayıl Güləddinoğlunun idarə etdiyi toy mərasimində təhlükəli anlar qeydə alınıb.

Az24.az xəbər verir ki, məlumata görə, mərasim zamanı şadlıq sarayının zalında qəfil yanğın baş verib.

Belə ki, zalda quraşdırılan işıq avadanlıqlarından biri alışmağa başlayıb və qığılcımlarla birlikdə yanan hissələr yerə düşüb.

Hadisə səbəbindən qonaqların dərhal təxliyəsi elan edilib. Mikayıl Güləddinoğlu isə səhnəyə çıxaraq hər kəsi sakit şəkildə, təcili olaraq məkanı tərk etməyə çağırıb.

Xoşbəxtlikdən yanğın böyümədən qarşısı alınıb və mərasim iştirakçıları zərər görmədən binadan çıxarılıb. (milli.az)