Ərdoğanla Putin müzakirələr apardı

Türkiyə Prezidenti Rəcəb Tayyub Erdoğan Rusiya Federasiyası Prezidenti Vladimir Putin ilə telefonla danışıb.

Az24.az xəbər verir ki, görüş zamanı Rusiya ilə Ukrayna arasındakı müharibə, həmçinin region və qlobal mövzular müzakirə olunub.

Prezident Ərdoğan görüşdə bildirib ki, Rusiya-Ukrayna müharibəsinin ədalətli və davamlı sülh yolu ilə başa çatması üçün Türkiyə səylərini davam etdirəcək.

O əlavə edib ki, Türkiyə tərəflərin birbaşa əlaqələrini asanlaşdıracaq və davamlı sülhə aparan yolu açacaq diplomatik təşəbbüslərə dəstək verməyə hazırdır

Danışıqlar zamanı Putin və Ərdoğan müntəzəm təmasları davam etdirmək barədə razılığa gəliblər.