Gecə klubunda çalışan ana körpəsindən imtina etdi – VİDEO

Azərbaycanda daha bir körpə sığınacağa yerləşdirilib.

Az24.az xəbər verir ki, bu barədə “Təmiz Dünya” Qadın və Uşaqlara Yardım İctimai Birliyinin rəhbəri Mehriban Zeynalova məlumat verib.

Belə ki, ana övladına sahib çıxmadığı üçün körpəyə baxan dayə onu sığınacağa gətirib. Dayə bildirib ki, körpənin anası gecə klublarının birində çalışır:

“Övladını ayda ildə bir dəfə görməyə gəlir. Özünə pul xərcləyir, amma uşağın yeməyi üçün pul istəyəndə vermir”.

Məcburiyyət qarşısında qalan dayə təxminən 3-4 aylıq körpəni sığınacağa gətirib.

Mehriban Zeynalova qeyd edib ki, körpənin heç bir sənədi yoxdur:

“Bu hal işimizi bir qədər çətinləşdirəcək. Uşağın omba nahiyəsində qızartı və bişməcə yaranıb”, – deyə sığınacağın rəhbəri əlavə edib.