Yasamaldakı yanğında ölənlərdən daha birinin FOTOSU

Noyabrın 21-də Yasamal rayonunda baş verən güclü yanğın zamanı həlak olan şəxslərdən biri Samir Kamal oğlu Məhəmmədovdur.

Hazırda onun ailəsi də xəstəxanada reanimasiyada müalicə alır.

Samir Məhəmmədovun övladları, 2021-ci il təvəllüdlü Məhəmməd Mikayıl və Məhəmməd Daniel Toksikologiya şöbəsində müalicələrini davam etdirir.

Az24.az xəbər verir ki, həmin binada yaşayan jurnalist Heydər Mirzə ailənin fotosunu paylaşaraq bunları yazıb:

“Belə bir ailə məhv oldu…Bu fotoda binamızda yanğından ölən Samir bəy və ailəsidir. Türkiyə deyil. Mozambik deyil. Və… Ailədə ata öləndə, ana və övlad can üstə olanda – ailənin məhv olması deməkdir. Üstə gəlin evin də yararsız hala gəlməsini”.