Axtarışlar başa çatdı – Bütün hərbçilərin nəşi tapıldı

Gürcüstan ərazisində qəzaya uğrayan Türkiyə Hərbi Hava Qüvvələrinə məxsus C-130 tipli hərbi nəqliyyat təyyarəsində olan bütün 20 hərbçinin meyitləri tapılıb.

A2z4.az  xəbər verir ki, bu barədə məlumatı hadisə yerində çalışan “A Haber” telekanalının müxbiri yayıb.

İlkin məlumata əsasən, təyyarə Gürcüstanın Xolaqiri monastırının yaxınlığında, dağlıq ərazidə qəzaya düşüb. Qalıqların dik yamaclara səpələnməsi səbəbindən axtarış-xilasetmə işləri uzun müddət davam edib. Ərazidə ilk olaraq yerli sakinlər təyyarə qalıqlarını müşahidə ediblər.

Gürcüstan hüquq-mühafizə orqanları hadisə ilə bağlı aviasiya təhlükəsizliyinin pozulması ehtimalı üzrə cinayət işi başlayıb. Qəzanın səbəbləri Türkiyə və Azərbaycanın müvafiq qurumlarının iştirakı ilə birgə araşdırılır.