ABŞ-İran müharibəsi başlaya bilər – Yaxın 48 saat ərzində…

ABŞ 48 saat ərzində İrana qarşı hərbi əməliyyatlara başlaya bilər.

Az24.az xəbər verir ki, bu barədə “The New York Times” Ağ Evdəki mənbələrinə istinadən məlumat yayıb.

ABŞ Prezidenti Donald Tramp administrasiyasına yaxın anonim rəsmi mənbə deyib ki, əgər Ağ Ev hərbi əməliyyatlara başlamaya qərar verərsə, “USS Abraham Lincoln” təyyarədaşıyan gəmi və müşayiət olunan döyüş qruplaşması 1–2 gün ərzində hazır vəziyyətdə ola bilər.

Qəzet yazır ki, Vaşinqton Tehranla nüvə proqramı ilə bağlı danışıqlar uğursuz olacağı təqdirdə hərbi ssenarini nəzərdən keçirir və bu, hazırda gündəmdədir.

Bu açıqlama ABŞ donanmasının Yaxın Şərqdə mövqeyini gücləndirməsi, təyyarədaşıyan gəmi və digər hərbi vasitələrin regiona göndərilməsi ilə üst-üstə düşür. Bu vəziyyət bölgədə gərginliyi artırır və həm ABŞ-ın müttəfiqləri, həm də İran rəhbərliyi tərəfindən diqqətlə izlənilir.

Eyni zamanda, İran tərəfi vasitəçilər vasitəsilə dialoqa hazır olduğunu bildirir, lakin hücum halında sərt cavab veriləcəyini xəbərdarlıq edir.

ABŞ-ın Yaxın Şərq müttəfiqləri Vaşinqtonu daha böyük hərbi konfliktə daxil olmamaq üçün çağırırlar və diplomatik yollara üstünlük verməyə çalışırlar.

Dəniz