Fidan Azərbaycanla bağlı sevindirici xəbəri açıqladı

Türkiyənin xarici işlər naziri Hakan Fidan Azərbaycan və Ermənistan arasında razılaşmanın, eləcə də TRİPP (Zəngəzur dəhlizi) ilə bağlı məsələlərin həyata keçirilməsi üçün intensiv işlərin aparıldığını bildirib.

AZ24.az Globalinfo.az-a istinadən xəbər verir ki, o, bu dəhlizin Naxçıvanı Azərbaycanın əsas hissəsi ilə birləşdirmək və Türkiyənin Türk dünyasına və Orta Asiyaya birbaşa çıxışı üçün vacib olduğunu vurğulayıb.

Fidan qeyd edib ki, texniki məsələlər qalır, lakin məqsəd müqaviləni mümkün qədər tez imzalamaq və bölgədə sabitlik və rifahı təmin etmək üçün Türkiyə ilə Ermənistan arasında münasibətləri normallaşdırmaqdır.

O əlavə edib ki, Azərbaycan, Ermənistan və Türkiyənin siyasi rəhbərliyi bu prosesə sadiqlik nümayiş etdirir. Bu kursun davam etdirilməsi çox vacibdir.