Nar yarpağının az bilinən faydaları – Bağırsaqlar üçün təsiri

Nar meyvəsi sağlamlıq baxımından geniş istifadə olunsa da, onun yarpaqları nisbətən az tanınır. Halbuki xalq təbabətində nar yarpağı xüsusilə həzm və bağırsaq problemlərinin yüngülləşdirilməsində təbii vasitə kimi istifadə edilir.

Mütəxəssislərin fikrincə, nar yarpağı büzücü təsirə malik olduğundan bağırsaqlarda həddindən artıq hərəkətliliyin azalmasına kömək edə bilər. Bu xüsusiyyət ishal zamanı bağırsaqların sakitləşməsinə və maye itkisinın qarşısının qismən alınmasına şərait yaradır.

Nar yarpağının digər mühüm təsiri bağırsaq divarlarında yaranan qıcıqlanmanı azaltması ilə bağlıdır. Tərkibindəki təbii maddələr bağırsaq iltihabının yüngülləşməsinə dəstək verə, həssas həzm sistemi olan şəxslərdə narahatlığı azalda bilər.

Eyni zamanda nar yarpağının antibakterial xüsusiyyətə malik olduğu bildirilir. Bu təsir bağırsaqlarda zərərli bakteriyaların çoxalmasının qarşısını almağa və həzm sistemində tarazlığın qorunmasına kömək edə bilər.

Nar yarpağından hazırlanan çay düzgün miqdarda istifadə edildikdə həzmi yüngülləşdirir, şişkinlik və qaz problemlərinin azalmasına müsbət təsir göstərə bilər. Adətən 1 stəkan qaynar suya az miqdarda qurudulmuş nar yarpağı əlavə edilərək qısa müddət dəmlənir və gün ərzində 1 stəkandan artıq içilməsi tövsiyə edilmir.

Mütəxəssislər xəbərdarlıq edir ki, nar yarpağının həddindən artıq və uzunmüddətli istifadəsi əks təsir göstərə bilər. Xüsusilə xroniki bağırsaq xəstəliyi olan şəxslər, hamilə və süd verən qadınlar bu cür vasitələrdən istifadə etməzdən əvvəl həkimlə məsləhətləşməlidirlər.

Ümumilikdə, nar yarpağı bağırsaq sağlamlığı üçün az tanınan, lakin düzgün istifadə edildikdə faydalı ola bilən təbii vasitələrdən biri hesab olunur.

Altay