Pezeşkian xalqı meydanlara çağırdı: Dialoqa hazırıq!

İran Prezidenti Məsud Pezeşkian televiziya vasitəsilə xalqa müraciət edərək, ölkədə davam edən iğtişaşlara qarşı vətəndaşları mövqe göstərməyə çağırıb.

Az24.az xəbər verir ki, Prezident müraciətində xalqı meydanlara çıxmağa və etirazların manipulyasiya edilməsinə imkan verməməyə səsləyib.

Pezeşkian bildirib ki, İran cəmiyyəti dinc etirazları qəbul etsə də, məscidlər və ictimai binaları yandıran hərəkətləri qətiyyətlə rədd edir:

“Hökumət dinc etirazçıların tələblərini dinləməyə və ölkə daxilindəki bütün tərəflərlə dialoq qurmağa hazırdır. Lakin baş verən iğtişaşlarda xarici qüvvələrin, xüsusilə ABŞ və İsrailin rolunun olduğu şübhəsizdir.”

Qeyd edək ki, dekabrın 28-də milli valyutanın dəyər itirməsi ilə başlayan etirazlar artıq 14 gündür ki, davam edir.

Dəniz