Ukraynada Türkiyəyə məxsus gəmi vuruldu

Türkiyəyə məxsus “Orinda” yük gəmisi Ukrayna sahilində pilotsuz uçuş aparatı (PUA) tərəfindən atəşə tutulub. Hücum nəticəsində gəmidə yanğın baş verib və vəziyyətə dərhal müdaxilə edilib.

AZ24.az xəbər verir ki, hadisə zamanı gəmidə olan 16 nəfərlik heyət təhlükəsizlik məqsədilə təxliyə olunub. Məlumata görə, xəsarət alan olmayıb və ekipaj üzvlərinin səhhəti normaldır.

Yanğının dənizdə nəzarət altına alındığı, gəmiyə dəymiş ziyanın qiymətləndirilməsi üçün araşdırmaların aparıldığı bildirilib.