Bu sadə vərdiş qan şəkərinin tarazlığına təsir edir

Yeni bir araşdırmada pəncərə kənarında oturmanın diabet xəstələrində insulin səviyyələrinin tənzimlənməsinə kömək edə biləcəyi ortaya çıxıb.

“Cell MetaAbolism” jurnalında dərc olunan tədqiqatda bildirilir ki, təbii günəş işığına məruz qalmaq bədənin şəkəri işləmə və enerji istifadəsi qabiliyyətinə əhəmiyyətli təsir göstərir.

Tədqiqatda vurğulanır ki, Qərb cəmiyyətlərində insanlar vaxtlarının 80–90 faizini süni işıq altında keçirirlər. Süni işığın günəş işığı ilə müqayisədə daha zəif və monoton olduğu, təbii günəş işığının isə bədənin bioloji saatı üçün güclü siqnal funksiyasını yerinə yetirdiyi qeyd olunub.

Alimlər bildirirlər ki, bioloji saat sindirim, hormon ifrazı və metabolizm kimi əsas proseslərə təsir edir. Bu saatın pozulması insulin müqavimətini artıraraq qan şəkərinin idarə olunmasını çətinləşdirə bilər.

Araşdırmada tip 2 diabet xəstəsi olan 13 yetkin iştirakçı nəzarətli ofis mühitində iki ayrı 4,5 günlük dövr keçirib.

İlk 4,5 gündə iştirakçılar bol günəş işığı alan böyük pəncərələrin qarşısında işləyiblər.

Növbəti 4,5 gündə isə eyni otaqda pəncərələr bağlı vəziyyətdə, standart süni işıq altında işlərini davam etdiriblər.

Nəticədə, iştirakçıların ortalama qan şəkəri səviyyəsində böyük fərq olmasa da, günəş işığına məruz qalanların qan şəkəri daha sabit olub və günün böyük hissəsində istənilən səviyyədə qalıb.

Tədqiqat həmçinin göstərib ki, günəş işığı metabolizmaya da təsir göstərir: günəş işığı altında olan iştirakçılar daha çox yağ, daha az karbohidrat yandırıb.

Dəniz