Əbu-Dabidə rekord qıran atəşfəşanlıq nümayişi – VİDEO

Birləşmiş Ərəb Əmirliklərinin paytaxtı Əbu-Dabidə 2026-cı il Yeni il gecəsi ən uzun atəşfəşanlıq şousu keçirilib.

Az24.az xəbər verir ki, nümayiş 62 dəqiqə fasiləsiz atəşfəşanlıq və işıq-dron nümayişləri ilə izləyiciləri heyran edib.

Şou zamanı təxminən 40 min fişəng istifadə olunub və 6 500-dən çox dron səmanı işıqlandıraraq müxtəlif formalar yaradıb. Tədbir bir neçə dünya rekorduna namizəd sayılır və yaxın günlərdə Ginnesin Rekordlar Kitabına daxil ediləcəyi gözlənilir.

Tədbir Əmirliklərin Yeni il bayramının əsas hissəsi kimi böyük izdiham toplayıb. Nümayiş yalnız atəşfəşanlıqla deyil, həm də musiqi və işıq effektləri ilə yadda qalıb. Bu möhtəşəm şou həm yerli sakinlər, həm də bütün dünyadan gələn tamaşaçılar üçün unudulmaz anlar yaradıb və Əbu-Dabini bayram mərasimlərinin dünya səhnəsində lider şəhərlərdən biri kimi tanıdıb.

Dəniz