Ukrayna ilə Rusiya razılaşdı – Bu ərazidə atəşkəs elan olundu

Ukrayna ilə Rusiya arasında Zaporojye Atom Elektrik Stansiyası ətrafında müvəqqəti atəşkəs elan edilib.

Az24.az xəbər verir ki, 2022-ci ilin mart ayında Rusiya tərəfindən nəzarətə götürülən stansiyada atəşkəsin əsas məqsədi elektrik xətlərinin təmirinə şərait yaratmaqdır.

Bu barədə “Reuters” agentliyi Beynəlxalq Atom Enerjisi Agentliyinə (MAQATE) istinadən məlumat yayıb.

MAQATE-nin baş direktoru Rafael Qrossi bildirib ki, elektrik xətlərinin bərpası ilə bağlı işlərin təhlükəsiz şəkildə aparılması üçün stansiya yaxınlığında bir neçə gün davam edəcək atəşkəs razılaşdırılıb.

Hazırda Zaporojye AES-i enerji ilə təmin edən xətlərin təmiri davam edir. Qurum vəziyyətin diqqətlə izlənildiyini və təhlükəsizlik məsələlərinin prioritet olduğunu vurğulayıb.

Dəniz