Futbolda FETÖ istintaqı: 4 nəfər həbs edildi

Türkiyədə futbol aləmini əhatə edən mərc və danışılmış oyunlarla bağlı aparılan araşdırma çərçivəsində tanınmış idman funksionerləri barədə mühüm qərarlar verilib.

Az24.az xəbər verir ki, Lütfi Arıboğan, Ahmet Gülüm, İlhan Helvacı və Ebru Köksal futbol üzrə mərc oyunları və nəticəsi əvvəlcədən müəyyən edildiyi iddia olunan qarşılaşmalarla bağlı istintaq çərçivəsində həbs olunublar.

Jurnalist Burak Doğanın verdiyi məlumata əsasən, adıçəkilən şəxslər barəsində aparılan araşdırma İstanbul Respublika Baş Prokurorluğunun Terror Cinayətləri üzrə İstintaq Bürosu tərəfindən həyata keçirilir.

İstintaq materiallarında bu şəxslərə qarşı “FETÖ/PDY silahlı terror təşkilatına yardım göstərmək” və “istintaqın məxfiliyini pozmaq” ittihamlarının irəli sürüldüyü bildirilir. Bu çərçivədə onların barəsində həbs qərarı çıxarılıb.

Şübhəlilər Çağlayanda yerləşən İstanbul Ədliyyəsinə aparılıb və prokurorluqda ifadələrinin alınmasına başlanılıb. Araşdırma davam etdiyi üçün istintaq orqanları əlavə məlumatların sonrakı mərhələdə açıqlanacağını bildirir.

Qeyd edək ki, iş üzrə “Fənərbaxça” Klubunun prezidenti Əli Koçun “şikayətçi” qismində prosesdə yer aldığı da vurğulanır.

Dəniz