Həccə gedənlərdə bu sənəd tələb olunacaq

Həcc ziyarəti üçün zəvvarlardan sağlamlıq sertifikatı tələb olunacaq.

Az24.az xəbər verir ki, Səudiyyə Ərəbistanı Həcc və Ümrə Nazirliyi növbəti mövsümdən etibarən zəvvarlardan sağlamlıq sertifikatı tələb edəcək.

Yeni qaydaya əsasən, sertifikat Həcc bürosu və tibbi missiyanın məsul şəxsi tərəfindən təsdiqlənməli, həmçinin “Masar” platformasında elektron şəkildə qeydiyyatdan keçirilməlidir.

Bundan əlavə, qurbanlıq heyvanın alınması və kəsilməsi prosesi “Adahi” platforması və Həcc büroları vasitəsilə həyata keçiriləcək.

Qeyd olunur ki, Məkkə məscidinə və digər müqəddəs yerlərə giriş üçün “Nusuk” kartı zəruri olacaq. Həmçinin bütün maliyyə və inzibati əməliyyatlar “Nusuk” və “Masar” platformaları üzərindən aparılacaq.