ABŞ-da qocalar evində PARTLAYIŞ: 2 ölü, 20 yaralı

ABŞ-nin Pensilvaniya ştatında, Filadelfiya şəhəri yaxınlığında yerləşən qocalar evində baş verən partlayış və ardınca yaranan yanğın faciə ilə nəticələnib.

Az24.az xəbər verir ki, hadisə nəticəsində iki nəfər həyatını itirib, 20 nəfər xəsarət alıb. Yanğın zamanı bir neçə sakinin taleyindən hələ də xəbər alınmadığı bildirilir. Güclü partlayış qocalar evinin bir hissəsinin dağılmasına səbəb olub, bina ciddi zərər görüb.

Hadisə yerinə cəlb olunan yerli fövqəladə hallar xidmətləri dərhal ərazidə təhlükəsizlik tədbirləri görərək yaşlı sakinlərin təxliyəsini həyata keçiriblər. Hazırda xilasedicilər dağıntılar altında qalan şəxslərin olub-olmadığını müəyyənləşdirmək məqsədilə axtarış-xilasetmə işlərini davam etdirirlər.

Yanğının və partlayışın səbəbləri ilə bağlı araşdırma aparılır. Hadisə ilə bağlı əlavə məlumatların veriləcəyi gözlənilir.