Türkiyədə 12 yaşlı şagird direktorunu tüfənglə vurdu – ANBAAN VİDEO

Mersinin Anamur rayonunda yerləşən orta məktəbin həyətində 12 yaşlı uşaq məktəb direktoru Ender Kara­nı tüfənglə vuraraq ağır yaralayıb.

Az24.az xəbər verir ki, dəhşətli anlar saniyə-saniyə təhlükəsizlik kameralarına düşüb. Görüntülərdə uşağın tüfənglə məktəbə gələrək direktora atəş açdığı anlar yer alıb.

İddiaya görə, məktəb direktoru Ender Kara ötən həftə məktəbə elektrikli velosipedlə gələn şagirdi xəbərdar edib. Bu xəbərdarlıqdan sonra bu səhər məktəbə tüfənglə gələn M.K. adlı 12 yaşlı uşaq məktəbin həyətində Ender Kara­ya atəş açıb.

Ətrafdakıların məlumatı əsasında hadisə yerinə təcili tibbi yardım və jandarma əməkdaşları cəlb olunub. Ağır yaralanan Ender Kara Mersin Universiteti Tibb Fakültəsi Xəstəxanasına aparılıb. Onun həyati təhlükəsinin olduğu bildirilib.

Hadisədən sonra jandarma əməkdaşları şagird M.K. və onun atası Y.K.-ni saxlayıb.

Dəniz