Juninyo bu klubda oynayacaq

“Qarabağ”ın keçmiş hücumçusu Juninyonun karyerasını harada davam etdirəcəyi bəlli olub.

Az24.az xəbər verir ki, braziliyalı futbolçu Meksika çempionatına yollanıb. O, bu ölkənin tanınmış klublarından olan “Pumas”la müqavilə imzalayıb.

Transferlə bağlı məlumat klubun rəsmi sosial şəbəkə hesablarında da paylaşılıb.

Xatırladaq ki, Juninyo bu ilin yanvar ayında “Qarabağ”dan ayrılaraq Braziliyanın “Flamenqo” klubuna transfer olunmuşdu.