5 dəqiqəyə süfrə: Məşğul insanlar üçün sürətli reseptlər

Məşğul iş qrafiki olan, lakin evdə tez və dadlı yemək hazırlamaq istəyənlər üçün ən praktik reseptləri təqdim edirik. Aşağıdakı yeməklər minimum vaxt, az inqrediyent və maksimal nəticə ilə seçilir.

1. Yumurtalı lavaş rulonu (3 dəqiqə)

İnqrediyentlər: lavaş, 1 yumurta, pendir, bir az yağ.
Hazırlanması: Lavaşı tavaya qoyun, üzərinə çırpılmış yumurta sürtün, pendir əlavə edib bükün. Hər iki tərəfi qızarana qədər bişirin. Səhər yeməyi üçün ideal variantdır.

2. 5 dəqiqəlik “ekspress” makaron

İnqrediyentlər: hazır bişən makaron, kərə yağı, qara istiot.
Hazırlanması: Makaronu isti suya qoyun, 2–3 dəqiqəyə yumşalır. Suyu süzüb yağ və istiot əlavə edin. İstəsəniz, üstünə sürtgəcdən pendir də qata bilərsiniz.

3. Tavada 5 dəqiqəlik toyuq didmələri

İnqrediyentlər: bişmiş toyuq filesi (soyuducudan qalan da olar), yağ, duz, istiot, sarımsaq tozu.
Hazırlanması: Toyuğu incə doğrayın və yüksək odda 2–3 dəqiqə qızardın. Duz, istiot əlavə edin. Çörək arasında sandviç kimi də istifadə olunur.

4. Qısa zamanda hazır olan tərəvəz omleti

İnqrediyentlər: yumurta, pomidor, göyərti, duz, istiot.
Hazırlanması: Bütün ərzaqları xırda doğrayıb çırpılmış yumurtaya qatın. 3–4 dəqiqəyə hazır olur. Axşam evə gec gələnlər üçün ən ideal yüngül yeməkdir.

5. Çörək üzərinə sürətli soslu sendviç

İnqrediyentlər: çörək, mayonez, xardal, pendir, kolbasa və ya toyuq.
Hazırlanması: Çörəyə sos sürtün, pendir və kolbasa qoyub 1–2 dəqiqə tavada və ya tosterdə qızardın.

6. 5 dəqiqəlik desert: “Şokoladlı fincan keks”

İnqrediyentlər: 1 yumurta, 2 qaşıq un, 1 qaşıq kakao, 1 qaşıq şəkər, 1 qaşıq süd.
Hazırlanması: Bütün ərzaqları bir fincanda qarışdırın və mikrodalğalı sobada 60–90 saniyə bişirin. Tez və çox dadlıdır.

Bu tip yeməkləri daha tez hazırlamaq üçün soyuducuda bişmiş toyuq, rende pendir, təmizlənmiş tərəvəz kimi hazır məhsullar saxlamaq faydalıdır. Beləcə 5 dəqiqəyə real süfrə hazırlamaq mümkündür.

Safiyə